Ақмола облысындағы автожолда көлік қозғалысы шектелді

Фото: freepik

Ақмола облысында қардың еруі салдарынан «Көкшетау-Атбасар» автожолының бір бөлігін су алып, жол жабылды, деп хабарлады Elordainfo.kz «ҚазАвтожол»-дың Telegram-дағы ресми арнасына сілтеме жасап.

Ведомство хабарламасына сай, бүгін аталған автожолдың бір бөлігін еріген қар суы алып кеткен. Соған байланысты көлік қозғалысына шектеу қойылған.

«2025 жылғы 6 сәуір сағат 11:00 шамасында Ақмола облысында «Көкшетау-Атбасар» автожолының 103-184 шақырым аралығында (Балкашино ауылы- Атбасар қаласы) қар еру салдарынан жол бөлігін су алуына байланысты көліктің барлық түрінің қозғалысына шектеу қойылды», - делінген хабарламада.