Астана-Павлодар бағытында тікелей әуе рейстері ашылады

ашық дереккөз

1 қарашадан бастап Астана-Павлодар бағытындағы тікелей әуе рейстері ашылады, деп хабарлады Elorda.info.

Айта кетейік, Мемлекет басшысы Павлодар облысына жұмыс сапарының қорытындысы бойынша Астана-Павлодар бағыты бойынша тікелей әуе рейстерін ашуды тапсырған болатын. Осыған орай Индустрия және инфрақұрылымдық даму министрлігінің Азаматтық авиация комитеті тиісті жұмыстарды жүргізді.

Нәтижесінде биылғы 1 қарашадан бастап «Qazaq Air» авиакомпаниясы аптасына 4 рет жиілікпен әлеуметтік маңызы бар Астана-Павлодар авиамаршрутын іске қосады. Аталған бағыттағы билеттер құны 10 мың теңге көлемінде болады.