Күз айында қандай шаш түстері сәнде болады

Әлем сәнгерлері 2022 жылдың күзінде сәнді болатын шаш түстерін атады, деп хабарлады Elorda.info.

Voice журналының жазуынша, биыл күзде сәнгерлер «қызғылт каштан», «жылы реңді даршын» және «ақ сары» түстер өзекті болатынын болжап отырған көрінеді.

Сарапшылардың пікірінше, бұл реңктер шашты әдемі көрсетіп, оларға терең сипат береді.

Сондай-ақ бұл тізімге «классикалық платина» мен «алтын сары» түс те енген. Сәнгерлер бұл реңктердің жазда күнге күйген бет терісімен әдемі үйлесетінін алға тартады. Сонымен қатар алдағы маусымда «мыс карнеолы» (асыл тас), «француз брюнеткасы» және «драмалық брюнетка» түстері сәнде болады.

Басылым соңғы аталған түстің ерекше күтімді қажет ететінін атап өткен, өйткені мұндай түске боялған шаштың жылтырлығын сақтау оңай емес.