Тамаққа онлайн тапсырыс бергенде нені ескеру керек?

Халық арасында тамақтан уланудың және жіті ішек инфекцияларының пайда болуын болдырмау мақсатында онлайн тағамға тапсырыс беру кезінде қаптамада жазылған жарамдылық мерзіміне назар аудару қажет. Бұл туралы  Астана қаласының санитариялық-эпидемиологиялық бақылау департаменті басшысының орынбасары Айгүл Шағалтаева айтты, деп хабарлады Elorda.info.

Тамаққа тапсырыс бермес бұрын сайттан тамақтану орнына қатысты ақпаратты табу қажет. Онда фирмалық атауы, орналасқан жері (тамақ дайындалатын стационарлық объектінің мекен-жайы) және жұмыс режимі жазылуы қажет.  Ұсынылатын қоғамдық тамақтандыру өнімдері туралы ақпарат сайтта орналастырылуы тиіс.

Төлемді жеке тұлғаларға аудармаңыз. Тағамның атауы, жарамдылық мерзімі және қаптамадағы құрамы көрсетілгеніне назар аударыңыз. Сондай-ақ өнімнің салмағы (көлемі) мен оның тағамдық құндылығына назар аударған жөн. Өнімде дайындалған күні мен сағаты, жарамдылық мерзімі және сақтау шарттары көрсетілуі тиіс. Тамақ өнімдерін дайындаушының атауы және орналасқан жері немесе тамақ өнімдерін дайындаушы дара кәсіпкердің тегі, аты, әкесінің аты және орналасқан жері, тапсырыс берушіге дайындау бойынша ұсынымдар көрсетілуі тиіс,- дейді Айгүл Шағалтаева.

Интернет арқылы ресімделген тамақ өнімдерін тұтынар алдында қаптаманың тұтастығын тексеру керек.  Азық-түлік өнімдерін жарамдылық мерзімін ескеріп, мерзімі өткен заттарды қолданбаған жөн. 

«Күмәнді» сайттар арқылы кездейсоқ адамдардан үйде дайындалған өнімдерді, кремді-кондитерлік өнімдерді (торттарды) сатып алмаңыз. Азық-түлікті дұрыс дайындамау немесе тамақты  дұрыс сақтамау  арқылы берілетін 200-ден астам ауруды тудыруы мүмкін. Кез – келген тамақтан уланудың тікелей себептері-санитарлық нормаларды сақтамау немесе құрамында патогендер мен улы заттар бар тағамдарды жеу. Бұл аурулар топтық немесе жеке жағдайларда пайда болуы мүмкін. Уланудың пайда болуы көбінесе зиянды принциптері бар бір тағамдық өнімді тұтынумен байланысты. Улану белгілері болған кезде алдымен асқазанды шаю керек екенін есте ұстаған жөн. Дереу дәрігерге медициналық көмекке жүгініп, ешқандай жағдайда өзін-өзі емдеумен айналыспаңыз,- дейді департамент басшысының орынбасары.