Елімізде бидайды автокөлікпен әкелуге тыйым салынады

Ауыл шаруашылығы министрлігі «Қазақстан Республикасының аумағына автокөлікпен бидай әкелуге тыйым салу туралы» бұйрықтың жобасын әзірледі. Бұйрық Ашық НҚА порталында жарияланды, деп хабарлады Elorda.info.

Тұқымдық бидайды (Еуразиялық экономикалық одақтың сыртқы экономикалық қызметінің тауар номенклатуралық коды 1001 11; 1001 91) қоспағанда, бидай (Еуразиялық экономикалық одақтың сыртқы экономикалық қызметінің тауар номенклатуралық коды 1001) импортына Қазақстан Республикасының аумағына автомобиль көлігімен алты айға тыйым салу енгізілсін, - деп жазылған бұйрықта.

Бұйрық алғашқы ресми жарияланған күнінен бастап қолданысқа енгізіледі.

Құжат 5 сәуірге дейін қоғамдық талқылауға шығарылды.