Наурыздан бастап жастарға жеңілдікпен несие беріледі

Наурыздан бастап жастарға жеңілдікпен несие беріледі, деп хабарлады Elorda.info.

Хабар24 жазуынша, мұны былтырғы Жолдауында Мемлекет басшысы Қасым-Жомарт Тоқаев тапсырған еді. Қаражат кәсіп бастауға ниетті немесе бизнесін дөңгелеткісі келетін 21 мен 35 жас аралығындағы азаматтарға конкурстық негізде беріледі. Жылдық сыйақы мөлшері 2,5%-тен аспайды. Қарыздың ең жоғары сомасы – 5 млн теңге. Әрі ол үшін кепіл болуы керек. Бағдарлама 2021-2025-ші жылдарға арналған Кәсіпкерлікті дамыту жөніндегі ұлттық жоба аясында жүзеге асады.

ЖАО-мен осы механизм бойынша жұмыс істеп жатырмыз. Мерзімі бар. Осы айдың ішінде біз жаңағы Қаржы министрлігімен несиелік келісімге қол қойдырамыз. Келесі айдан бастап бастаймыз, - деді Еңбек және халықты әлеуметтік қорғау бірінші вице-министрі Ақмади Сарбасов.