Елімізде балаларды дамыту орталықтарының қызметі 11%-ға қымбаттады

Биылғы үшінші тоқсанда ҚР-ның барлық білім беру ұйымдарының мектепке дейінгі тәрбие мен оқыту саласында көрсеткен қызметтерінің көлемі 158,7 млрд теңгеге жетті, бұл бір жыл бұрынғыдан бірден 32,5%-ға артық, деп хабарлады Elorda.info Energyprom.kz-ке сілтеме жасап.

Өңірлер бойынша қызмет көрсетудің ең үлкен көлемі Түркістан облысына тиесілі: 21 млрд теңге, жылдық өсім 41,9%. Алматы екінші орында: 17,2 млрд теңге, бір жылда 44,9%-ға көбейген. Үздік үштікті Жамбыл облысы жапты: 13,4 млрд теңге, 31,5%-ға артқан.

Биыл қызмет көрсету саласындағы ең көп жылдық өсім елордада , ең азы — Қарағанды облысында байқалды.

Мектепке дейінгі ұйымдар қызметінің негізгі бөлігін мемлекеттік кәсіпорындар көрсетеді: 2022 жылдың үшінші тоқсанында көрсеткіш 90,9 млрд теңгені құрады, бұл бір жыл бұрынғыдан 29,7%-ға артық. Жеке кәсіпкерліктің үлесіне 67,2 млрд теңге, шетелдік кәсіпорындар 508,5 млн теңге құрады. Кәсіпорындардың көлемі бойынша 148,3 млрд теңге шағын кәсіпкерлікке, 9,3 млрд теңге орта бизнеске, 1,1 млрд теңге ірі кәсіпкерлікке тиесілі.

Биылғы қараша айының қорытындысы бойынша балаларды дамыту орталықтары қызметтерінің құны жылдық динамикада 11,3% өсті. Баға ең көп өскен Жамбыл облысы: бір жылда 39,3%-ға  қымбаттады. Одан кейін Солтүстік Қазақстан және Түркістан облыстары. Ең аз жылдық баға өсімі Алматы қаласында тіркелді.