Қайрат Сатыбалды мерзімінен бұрын босатылуы мүмкін

ашық дереккөз

Қайрат Сатыбалды уақыт өте келе бостандыққа шығу үшін өтініш бере алады, деп хабарлады Elorda.info.

Бас прокурордың орынбасары Әсет Шындалиевтің айтуынша, уақыт өте Қайрат Сатыбалды шартты түрде мерзімінен бұрын босату туралы өтініш бере алады.

Оны шартты түрде босатуға болады. Бұл террористік қылмыстар сияқты ауыр қылмыс жасағандардан басқалардың барлығына қатысты, – деді ол.

Бұл ретте сотта тек екі эпизод – «Қазақтелеком» мен «Көліктік сервис орталығы» бойынша қаралды. Қазір тергеушілер Сатыбалдының салық заңнамасы және ақшаны жылыстату саласындағы басқа да қылмыстарға қатыстылығын тексеріп жатыр.