Елімізде алдағы жылыту маусымына 9,5 млн тонна көмір қажет

Ол жылыту маусымына дайындық биыл наурыз айында басталып кеткенін айтты.

Министрлік облыстар мен республикалық маңызы бар қалалар бөлінісінде 2022-2023 жылдарға арналған көмір қажеттілігі бойынша жоспар жасады. Болжам бойынша келер жылыту маусымында көмірді жалпы тұтыну көлемі шамамен 9,5 млн тоннаны құрайтын болады, - деді Жанат Игисинов.

Аталған жол картасы тапшылықты болдырмау мақсатында бюджеттік ұйымдар мен халық үшін көмірді алдын ала дайындауды көздеп отыр. Бүгінде құжат облыстар мен Нұр-Сұлтан, Алматы және Шымкент қалаларының әкімдіктеріне жолданған.

Сондай-ақ, жиын барысында ҚТЖ өкілдеріне коммуналдық-тұрмыстық сектор мен халыққа көмір тасымалдауға арналған вагондарды бірінші кезекте қамтамасыз ету тапсырылды.