Қаржы пирамидасын құрған ерлі-зайыптылар ұсталды

ашық дереккөз

Оларға қатысты Қазақстан Республикасы Қылмыстық кодексінің 217-бабы бойынша Алматы облысында және еліміздің басқа өңірлерінде «Елімай 2019» тұтыну кооперативі қаржы пирамидасын құру және оған басшылық ету фактісі бойынша қылмыстық істер тергелуде. Күдіктілер Алматы облысының уақытша ұстау изоляторына қамалды.

Қазіргі уақытта алдын ала тергеу органына 125-тен астам зардап шеккен адам жүгінді, жәбірленушілердің саны әлдеқайда көп болуы мүмкін. Осыған байланысты Алматы облысы бойынша Экономикалық тергеу департаменті зардап шеккен азаматтарды Өтеген батыр кенті, Батталханов көшесі 11а мекенжайы бойынша немесе +7 (727) 251-71-06 сенім телефонына хабарласуды сұрайды.