Елордалық түзеу мекемесінде наиб имаммен кездесу ұйымдастырылды

Кездесу барысында сотталғандарға түсіндірме жұмыстары жүргізілді, сондай-ақ “Жұмақ” атты қысқаметраждық фильм көрсетілді. Сұхбат жүргізу кезінде сотталғандардың барлық сұрақтарына жауаптар берілді, арабша дұрыс оқу туралы қысқаша түсіндірме жұмыстары жүргізілді.

ҚАЖ ұстау мекемелерінде сотталғандардар арасында деструктивті діни ағымдардың таралмауы мен кіріп кетпеуі үшін жұмыстар күшейтілуге тиіс.

Қазақстанда діни ұстаным бойынша бостандық, сотталғандардың қалауы бойынша мекемеге имамдар шақырылады. Әрине, сотталғандар күн тәртібін бұзбай, арнайы орындарда намаз оқи алады, яғни ұйықтайтын бөлмелерінде, – деді мекеме бастығы Н.Беков.

Сондай-ақ, мекемеге дінді дұрыс түрде ұстану жағдайын жақсарту мақсатында Нұр-Сұлтан қаласы бойынша Діни істер басқармасының өкілдері мен теологтар шақырылады.