«Коронавирус жоқ!»: Корпоративте ән айтқан Қайрат Нұртас сынның астында қалды (ВИДЕО)

Әзірге бұл видеоның қайда түсірілгені белгісіз, алайда концерт өткен жерде жүзден астам адам бар екені анық көрінеді. Әлеуметтік арақашықтық сақталмағаны былай тұрсын, ешқайсысы медициналық маска тақпаған.

Содан болса керек, желі қолданушылары карантин шараларын сақтамағаны үшін айыппұл барлығына бірдей салынбайтынына наразы болды. Ондайда айыппұл салғыштар айналып өтеді, сондықтан олар ойланбастан осындай видеоларды әлеуметтік желіде жариялай береді деген реніштерін жеткізді.

“Коронавирус жоқ!”, “Тойхана ма, дастарқан көрінбейді ғой”, “Сіз білмейсіз бе, ол тойда жүрмейді ғой, тек қана сауда орталықтарында жүреді”, "Мұнда бәрі "жасыл" ма?", "Ковид қайда кетті? Жалпы бомба", "Бұларға сот жоқ", – деп жазды олар.