Халық санағы басталғалы байланыс орталығына 50 мыңнан аса қоңырау шалынған

“Тәулік бойы жұмыс істеу үшін байланыс орталығына санақ өткізу әдістемесі және шараға қатысты қолданылатын бағдарламаларға қатысты оқытылған мамандар мен қосымша қызметкерлер жұмылдырылды. Орталық операторлары үш ауысымда қызмет атқарды. Қоңыраулар тәулік бойы келіп түсуде: мәселен, 10 қыркүйекке қараған түні азаматтар сағат 4:44-ке дейін хабарласқан. Араға біраз ғана уақыт салып, қоңыраулар легі таңғы 5:32-ден бастап ағылған”, – делінген хабарламада.

Көбінесе байланыс орталығына жүгінген азаматтар sanaq.gov.kz сайтына тіркелу, арнайы кодты енгізу сауалдары бойынша хабарласқан. Сондай-ақ, санақтан өткені туралы хабарламаны алу мерзімдері, халық санағының әдістемесіне қатысты сұрақтар да жиі түскен.

2021 жылғы Ұлттық санақтың негізгі кезеңі Қазақстанда 1 қыркүйектен 30 қазанға дейін өтеді. Қарашаның 8-іне дейін санақ өткізу әдістемесіне сәйкес, нақтылау шаралары қарастырылған.