Ветеринарлық қызмет қай өңірлерде гүлдеп тұр

Өңірлер бойынша қарастырсақ, аталмыш саладағы қызмет көрсету көлемі – 217 млн теңгеден (Шымкент) 2,8 млрд теңге (Нұр-Сұлтан) аралығында. Қызмет көрсету көлемінің едәуір бөлігі Алматы (2 млрд тг), Түркістан (1,5 млрд тг), Шығыс Қазақстан (1,5 млрд тг), Жамбыл (1,4 млрд тг) облыстары мен Алматы (1,4 млрд тг) қаласына тиесілі.

Былтырғы сәйкес кезеңмен салыстырсақ, көрсеткіш 17 өңірдің 13-інде өскен. Ал қызмет көрсету көлемі азайған өңірлер қатарында Маңғыстау (-3,4%), Түркістан (-10,1%), Жамбыл (-28,9%) облыстары мен Шымкент қаласы (-23,7%) бар.

Ауылдық жерлердегі ветеринарлық қызмет көрсету көлемі де биылғы бірінші жартыжылдықта рекордтық мәнге жетіп, 8,5 млрд теңгені құрады. Бұл – республика бойынша жалпы көлемнің 47,5%-ы.