Нұр-Сұлтан-Павлодар тас жолында жүк көлігі өртеніп кетті (ВИДЕО)

Нұр-Сұлтан-Павлодар тас жолында кеше түнде 2010 жылы шығарылған Renault Premium жүк көлігі тиелген тіркемесімен қоса түгел жанып кетті. Өрт сөндірушілер 3 сағаттан астам өрт сөндірумен айналысса да, жүк пен көлікті аман алып қала алмады.

2022 жылғы 12 ақпанда сағат 01:38-де Павлодар облысы Төтенше жағдайлар департаментінің «101» пультіне Нұр-Сұлтан-Павлодар тас жолында өрт шыққаны туралы хабарлама түсті. 2010 жылғы Renault Premium жүк көлігі толығымен жанып кетті. Өрт ауданы 40 шаршы метр. Ол Өзбекстан -РФ бағытында жүріп келе жатқан, - деп хабарлады облыстың Төтенше жағдайлар департаментінің баспасөз қызметі Instagram желісінде.