Экология және табиғи ресурстар министрі тағайындалды

Фото: primeminister.kz

Ерлан Нысанбаев Экология және табиғи ресурстар министрі болып тағайындалды, деп хабарлады Elorda.info.

Парламент Мәжілісінің Экология мәселелері және табиғат пайдалану комитетінің отырысында Қазақстан Республикасының Экология және табиғи ресурстар министрі лауазымына Нысанбаев Ерлан Нұрәлиұлының кандидатурасы келісілді.

Ерлан Нұралыұлы Нысанбаев Қазақстан Республикасының Экология және табиғи ресурстар министрі лауазымына тағайындалды, - делінген Мемлекет басшысының Жарлығында.

Айта кетейік, Е.Нысанбаев 2014-2019 жылдары Ауыл шаруашылығы вице-министрі, 2019-2021 жылдары Экология, геология және табиғи ресурстар вице-министрі қызметін атқарды.