Құқық қорғау саласының қызметкерлері қоян-қолтық ұрыста бақ сынады

фото: Elordainfo

Қоян-қолтық ұрыстан Жақсылық Үшкемпіров атындағы «Жекпе-жек» сарайында Сыбайлас жемқорлыққа қарсы іс-қимыл агенттігі төрағасының кубогына арналған жекпе-жек бойынша республикалық турнир өтті деп, хабарлады Elorda info сайты.

Турнирге Сыбайлас жемқорлыққа қарсы іс-қимыл агенттігі, Қаржы мониторинг агенттігі, Ұлттық қауіпсіздік комитеті, Ішкі істер министрлігі, Қорғаныс министрлігі, Төтенше жағдайлар министрлігі және Мемлекеттік күзет қызметінің қызметкерлері қатысты.

Спортшыларды қолдауға Астана қаласының әкімі Жеңіс Қасымбек, бокстан Лондон Олимпиадасының чемпионы Серік Сапиев, Naiza FC Президенті Нұрбек Қарабала, төрт дүркін әлем чемпионы Илья Ильин, бокстан әлем чемпионы Мерей Ақшалов келді.

Республикалық турнирдің сәтті өткенімен баршаңызды құттықтаймын! Жарыс барысында жігіттердің тек қара күштерін ғана емес, шеберліктеріне тәнті болдым. Еліміздің тыныштығы сенімді қолда деп, сенемін. Бүгін соған көзім жетті. Алдағы уақытта үнемі жеңіске жете беріңіздер! - деді Астана қаласының әкімі Жеңіс Қасымбек өз құттықтауында.

Аталған іс-шараның мақсаты салауатты өмір салтын насихаттау, Қазақстан Республикасы құқық қорғау органдарының, күштік және арнайы құрылымдарының қызметкерлері мен әскери қызметшілерінің дене шынықтыру даярлығы деңгейін және қатысушылардың спорттық шеберлігі мен біліктілігін арттыру болып табылады.

Турнирде сегіз салмақ дәрежесі бойынша жүлделер жиынтығы сарапқа салынды.

Турнир жеңімпаздары:

57 кг дейінгі салмақ санаты

1-орын – Жылысбеков Асхат (СЖҚІА)
2-орын – Баккожин Нурхан (ІІМ)
3-орын – Нұркеев Мұхамедрахим (ТЖМ)
3-орын – Қалшора Нұрдаулет (МКҚ)

62 кг дейінгі салмақ санаты

1-орын – Сағын Қазбек (СЖҚІА)
2-орын – Жұмағұлов Мадияр (ҰҚК)
3-орын – Данабеков Заманбек (ІІМ)
3-орын – Қожахметов Жақсылық (ТЖМ)

67 кг дейінгі салмақ санаты

1-орын – Дакенов Даурен (СЖҚІА)
2-орын – Жаманкараев Аманбек (ІІМ)
3-орын – Сақабанов Ерзат (ТЖМ)
3-орын – Маликов Ертаргын (МКҚ)

73 кг дейінгі салмақ санаты

1-орын – Ораз Аслан (МКҚ)
2-орын – Литвиненко Кирилл (ІІМ)
3-орын – Кораласов Багашар (СЖҚІА)
3-орын – Касенов Айдар (СЖҚІА)

80 кг дейінгі салмақ санаты

1-орын – Смаилов Асылбек (МКҚ)
2-орын – Турганбаев Нурлан (ІІМ)
3-орын – Аманбек Өзгеріс (СЖҚІА)
3-орын – Актанов Бекзат (ҰҚК)

88 кг дейінгі салмақ санаты

1-орын – Шарипов Ерик (СЖҚІА)
2-орын – Күрішбек Самат (ҚМА)
3-орын – Скаков Нурбол (ІІМ)
3-орын – Үмбетқұлов Бақытбек (ҰҚК)

97 кг дейінгі салмақ санаты

1-орын – Демей Бексұлтан (ҰҚК)
2-орын – Бекбатшаев Нурсултан (МКҚ)
3-орын – Махаметов Мурод (ҚМА)
3-орын – Қайрат Ерасыл (ҚМ)

97 кг жоғары салмақ санаты

1-орын – Ілиясов Жарас (МКҚ)
2-орын – Куатов Еламан (ҚМ)
3-орын – Райсов Медет (СЖҚІА)
3-орын – Мади Райхан (ҰҚК)

Жеңімпаздарды құқық қорғау және арнайы органдардың бірінші басшылары марапаттады.

Сонымен қатар, турнирдің үздік қатысушылары жеке жүлделермен марапатталды:

- «Жеңіске деген ерік-жігері үшін» номинациясымен ҚМА өкілі Күрішбек Самат;
- «Үздік техника» номинациясымен МКҚ өкілі Ораз Аслан.

Жалпы командалық есепте мемлекеттік органдар арасында орындар былайша бөлінді:

1-орын – Сыбайлас жемқорлыққа қарсы іс-қимыл агенттігінің құрамасы.
2-орын - Мемлекеттік күзет қызметінің құрамасы;
3-орын - Ұлттық қауіпсіздік комитетінің құрамасы;

Қанат БАЙҰЗАҚОВ