U-20: Алғашқы әлем чемпионатында жеңімпаз атанған Қазақстан тумасы

Осы күндері футболдан 20 жасқа дейінгілер арасында өтіп жатқан әлем чемпионатында Өзбекстанның плей-оффта ойнағаны, Израильдің Бразилияны жеңуі, Израиль сапындағы жалғыз мұсылманның гол соғуы т.б жайттар кеңінен талқыланып жатыр. Осы орайда Elorda.info тілшісі еліміз үшін тарихи алғашқы чемпиондық кезді еске түсіруді жөн көрді.

1977 жылы Тунисте өткен ең алғашқы 20 жасқа дейінгі әлем чемпионаты Қазақстан үшін орны ерекше. Себебі, Қарағандыда туылған Григорий Батич КСРО сапында әлем чемпион атанса, Алексей Ильин 1980 жылы 1 жыл «Қайрат» сапында 66 ойын өткізген. Ал Юрий Сивуха 2016 жылы «Ақтөбе» клубының қақпашысын жаттықтырған.

Григорий Батич (шабуылдаушы) – әкесі Иван Батиг (2 дүниежүзілік соғыс уақытында Украинада арнайы партизандық топ құрылып, ешкімге тәуелсіз Украинаға қол жеткізу мақсатын қояды. Нәтижесінде 1942-1949 жылдар аралығында Польша, Германия, КСРО-ға қарсы 200 мыңдай адам жасырын түрде қарсыласады. Соның бір көрінісі ретінде 1921 жылы Польшаға мәжбүрлі түрде берілген Волынь мен Галиция жерінде украиналықтар 100 мыңға жуық польшалық тұрғындарды қырып жіберген. Польша тарапы бұл әрекетті «геноцид» деп есептейді) қатысқан. Салдарынан 10 жылға сотталып, Қарағандыға жер аударылды. Григорий 1958 жылы туылып, 1972 жылға дейін Қарағандыда тұрып, алғаш рет футбол секциясына барды. 1972 жылы Украинаға қайтып, футбол мансабын жалғастырған. 1977 жылы КСРО-ның жастар құрамасы сапында әлем чемпионатында 3 ойынға қатысты. Жартылай финал мен финалдық ойындарға аппендицит кесірінен (ота құны – 330 доллар) қатыспады. 2008 жылы қайтыс болған.

1977 жыл. Әлем чемпионаты.

Әлем чемпионатының ерекшелігі 1 тайм 40 минуттан тұрды. Есеп тең болған жағдайда қосымша 20 минут ойнады. КСРО сапындағы 50% ойыншы Украинада доп тебетін футболшылардан құралды.

Топтық кезең.

КСРО – Ирак 3:1

КСРО – Парагвай 2:1

КСРО – Аустрия 0:0

½ финал.

КСРО – Уругвай 0:0 пен, 4:3

Финал.

КСРО – Мексика 2:2 пен, 9:8

2 жылда 1 рет өтетін әлем чемпионатында Бразилия (6 мәрте чемпион) мен Аргентинаның (5 мәрте чемпион) үстемдігі жоғары. Ал ТМД өңірінен 2019 жылы Украина ғана әлем чемпионы атана алды. Өкінішке қарай, олар биыл іріктеуден өте алмай, жастар арасындағы әлем чемпионатында атақтарын қорғай алмады.

Қанат Байұзақов