Футзал: Қазақстан құрамасының Әзербайжанға қарсы құрамы белгілі болды

Футзалдан Қазақстан ұлттық құрамасының бас бапкері Рикардо Кака 2024 жылғы әлем чемпионатының іріктеу кезеңіндегі Әзербайжанға қарсы кездесулерге шақырылған ойыншылардың тізімін жариялады, деп хабарлады Elorda.info.

Тізімге 16 ойыншы енді.

Футзалдан Қазақстан құрамасының ойыншылар тізімі:

Қақпашылар: Игита, Нарун Серіков (екеуі де «Қайрат»), Қанат Жеткірбаев («Ақтөбе»);

Алаң ойыншылары: Дуглас, Эдсон, Біржан Оразов, Дәурен Тұрсағұлов, Альберт Ақбалықов (барлығы – «Қайрат»), Шыңғыс Есенаманов, Райымбек Жұма, Ақжол Дәрібай (барлығы – «Семей»), Азат Валиуллин, Расул Абдуманапұлы (екеуі де – «Аят»), Арнольд Кнауб («Жетісу»), Олжас Тайбасаров («Астана»), Лео («Жоинвиль», Бразилия).

Жаттықтырушылар құрамы: Рикардо Кака – бас бапкер, Дәурен Нұрғожин – бас бапкердің көмекшісі. 

Естеріңізге сала кетейік, 6 қазанда Қазақстан футзал құрамасы 2024 жылғы әлем чемпионатының іріктеу кезеңі аясында Бакуде Әзербайжанмен ойнаса, 11 қазанда Астанада дәл осы команданы Жақсылық Үшкемпіров атындағы Жекпе-жек сарайында қабылдайды.