Қазақстандық теннисші Дубайдағы турнирдің финалына шықты

Фото: дереккөз

Қазақстандық теннисші жартылай финалда әлемнің 5-ракеткасы, ресейлік Андрей Рублевпен кездесті. Бірінші партияда ресейлік спортшы тай-брейкте басымдық танытты – 7:6 (7:4).

Екіншісінде Бублик есе қайырды – 7:6 (7:5). Үшінші, шешуші сетте есеп Бубликтің пайдасына 6:5 болған мезетте Рублев қапталдағы төрешіні балағаттағаны үшін жеңіс қазақстандыққа берілді.

Екі сағат жарымға созылған тартысты кездесуде Бублик 21 эйс жасап, 4 брейк-пойнттың үшеуін пайдаланды.

Александр Бублик финалда әлемнің 4-ракеткасы, ресейлік Даниил Медведев немесе рейтингіде 18-орындағы франциялық Уго Умбердің біреуімен чемпиондық атақты сарапқа салады.