Қазақстандық спортшылар паражүзуден әлем кубогында жүлдегер атанды

Германияда паражүзуден әлем кубогының сериясы өз мәресіне жетті, деп хабарлады Elorda.info. 

Жарыста қазақстандық спортшылар жеңіс тұғырынан көрінді. Қазақстандық спортшылар 4х100 метрге комплексті жүзу эстафетасында 5:34,36 секунд уақытты көрсетіп, күміс жүлдені еншілесе,  4х50 метрге аралас эстафетада 2:36,39 секунд нәтижесімен қола жүлдегер атанды. 

Эстафеталық қашықтықтарда жерлестеріміз Алина Синельникова, Нұралі Советханов, Сиязбек Далиев, Әмір Мұратбеков және Алина Дубинина өнер көрсетті. 

Жарыста қазақстандық Сергей Кинах 200 м брасста және Алина Дубинина 50 м брасста Азия рекордын жаңартты. 

Айта кетсек, паражүзуден әлем кубогының сериясы Берлин қаласында өтті. Жарысқа 50 мемлекеттен 400-ден астам спортшы қатысты.