Қазақстан құрамасы семсерлесуден әлем кубогының жеңімпазы атанды

Семсерлесуден Түркияда өткен әлем кубогында Қазақстан құрамасы жеңімпаз атанды, деп хабарлады Elorda.info. 

Шешуші жарыс күні командалық сайыста Қазақстан құрамасы қарсылас шақ келтірмей, сенсация жасады. Алтын медаль үшін тартыста Нидерланд құрамасынан басым түсті. Есеп: 34-20.

Руслан Курбанов, Эльмир Əлімжанов, Вадим Шарлаимов, Ерлік Сертайдан жасақталған ұлттық құрама 1/32 кезеңде Колумбияны 45-41 есебімен ұтты. Осыдан кейін Италия құрамасынан басым түсіп, үздік сегіздікке кірді. Есеп: 45-31. Ширек финалдағы тартысты айқаста отандастарымыз Аргентинадан жеңісті жұлып əкетті. Есеп: 45-44. 

Ал жартылай финалда ұлттық құрама испаниялық семсерлесушілерді сенімді жеңді (45-32).

Жалпы бұл кезеңде 45 елден 350-ге тарта семсерлесуші бақ сынады.