Астанада грек-рим күресінен өткен турнирдің жеңімпаздары анықталды

Астанада грек-рим күресінен өткен турнирдің жеңімпаздары анықталды

Үш күнге жалғасқан турнир қорытындысы бойынша Астана қаласының боз кілем шеберлері топ жарды.

Ауған соғысының ардагерлері ұйымдастырып жатқан жасөспірімдер арасындағы республикалық бәсеке көңілімізден шықты. 

Аязға қарамастан, еліміздің түкпір-түкпірінен келген жарыс қатысушыларына алғысымды білдіремін.

Жақынжа ересектер арасына қосылатын жасөспірімдер үшін бұл жақсы тәжірибе болды деп ойлаймын, - деді Астана қаласының бас жаттықтырушысы Әділ Алжекиев. 

Жарыс нәтижесінде жалпы командалық есепте елордалық балуандар көш бастады. 

1. Астана қ. – 3 алтын, 3 күміс, 4 қола;

2. Абай обл. – 2 алтын, 1 күміс, 3 қола;

3. СҚО – 2 алтын, 1 қола;

4. Атырау обл. – 1 алтын, 2 қола;

5-6. Қостанай обл. – 1 алтын;

5-6. Қызылорда обл. – 1 алтын;

7. Ақмола обл. – 1 күміс, 3 қола;

8. ШҚО – 2 күміс, 1 қола;

9-10. Ақмола обл. – 1 күміс;

9-10. Шымкент қ. – 1 күміс;

11. Алматы қ. – 4 қола;

12-14. Павлодар обл. – 1 қола;

12-14. Жамбыл обл. – 1 қола;

12-14. Қарағанды обл. – 1 қола.

Сондай-ақ, турнирдің ең үздік балуаны номинациясын 71 келіде чемпион атанған елордалық спортшы Ахалбек Әбілмансұр жеңіп алды. 

Қанат БАЙҰЗАҚОВ