Қазақстандық парадзюдошылар әлемдік Гран-приде үш медальға ие болды

Португалияда өткен әлемдік Гран-приде қазақстандық парадзюдошылар 2 алтын және 1 қола медальді жеңіп алды, деп хабарлады Elorda.info.

Токио – 2020 Паралимпиада ойындарының күміс жүлдегері Ануар Сариев (J2) 60 кг салмақта финалдық белдесуде грузиялық балуанды жеңіп, алтын медальға ие болды.

Екінші алтынды (J2) 73 келіге дейінгі салмақ дәрежесінде сынға түскен Олжас Оразалыұлы әкелді. Ол финалдық белдесуде қарсыласы әйгілі француздық палуан Петит Натханды иппонға түсіріп, таза жеңіске жетті.

Ал (J2) +90 келі салмақта өнер көрсеткен Ерлан Конкиев қола жүлдеге қол жеткізді.

Айта кетсек, парадзюдодан әлемдік Гран-при Алмада (Португалия) қаласында өтті. Жарысқа 22 мемлекеттен 91 спортшы қатысты.