Жәнібек Әлімханұлы келесі қарсыласының есімін атады

Орта салмақтағы WBO тұжырымы бойынша әлем чемпионы Жәнібек Әлімханұлы Дүниежүзілік бокс ұйымы рейтингінің көшбасшысы мексикалық Хайме Мунгияға қарсы жекпе-жек туралы пікір білдірді, деп хабарлады Elorda.info.

13 қарашада таңертең Лас-Вегаста Әлімханұлы ұлыбританиялық Дензел Бентлиді төрешілер шешімімен жеңіп, WBO тұжырымы бойынша чемпиондық атағын алғаш рет қорғаған болатын. 

Оқи отырыңыз: Жәнібек Әлімханұлы кәсіпқой бокста он үшінші рет жеңіске жетті

Бұған дейін WBO президенті Әлімханұлы жеңіске жетсе, чемпиондық атағын мексикалық Хайме Мунгуияға қарсы кездесуде қорғауға міндеттейтінін айтқан еді.

Мунгия менімен жекпе-жек өткізуге келіседі деп үміттенемін және күтемін, - деп жазды Жәнібек Әлімханұлы Туиттерде.

Мунгияда 40 жеңіс пен 0 жеңіліс бар. Ол орта салмақтағы WBO рейтингінде бірінші орында тұр. Хайме жартылай бірінші орта салмақтағы WBO белбеуінің иегері. Ол рингке 19 қарашада Гвадалахарада (Мексика) аргентиналық Гонсало Корияға жекпе-жекте шығады.