Қазақстандық боксшы Айдос Ербосынұлы қарсыласымен көз арбасты

Қазақстандық боксшы Айдос Ербосынұлы (16-0, 11КО) мен WBA-дің екінші орта салмақтағы «қарапайым» чемпионы – кубалық Давид Моррел (7-0, 6КО) көз арбасу рәсімін өткізді, деп хабарлады Elorda.info.

Айдос Ербосынұлы баспасөз мәслихатында сұраққа қаза тілінде жауап берді

Қазір Қазақстанда аң аулау маусымы жүріп жатыр. Ауылда кішігірім аңшымын. Қазір Америкада жүрмін және осы сенбі аң аулауға шығатын боламын. Жекпе-жекті тамашалаңыздар!, - деді боксшы. 

«Мен пояс үшін келдім!», - деп жазды қазақстандық спортшы Instagram-дағы жеке парақшасында. 

Айта кетейік, Ербосынұлы – Моррел жекпе-жегін қазақстандықтар тікелей эфирден көре алады. Басталуы – 6 қараша, таңертеңгі сағат 08.00.