Іздеу 
KZ
Елордада тоғызқұмалақтан Ақселеу Сейдімбектің 80 жылдығына арналған жарыс өтті
Елорда ақпарат
Нұр-Сұлтан қаласы Білім беруді жаңғырту орталығы және Ақселеу Сейдімбек атындағы №54 мектеп-лицейінің ұйымдастыруымен жазушы, ғалым, филология ғылымының докторы, профессор Ақселеу Сейдімбектің 80 жылдығына арналған «Ұлттық ойындар – ұлтымыздың құнды мұрасы» атты тоғызқұмалақтан қалалық сайыс өтті, деп хабарлады Elorda.info.
Сайысқа жалпы білім беру ұйымдарынан 12 (№46 ОМ, №54 МЛ, №19 ОМ, №48 МЛ, №90 МГ, №93 МГ, Бином «Тұран», №78 МГ, №67 МГ, №74 МГ) қала мектептері қатысты.
Сайыс 12-13 жас (ұлдар, қыздар) және 14-15 жас (ұлдар, қыздар) аралығындағы оқушылар арасында өтті.
Тартысты кездесуде 12-13 жас аралығындағы қыздар арасынан 1-орын Азия Тілеумұрат (№54 мектеп-лицей), 2-орын Мәдина Мырзағазы (№90 мектеп-гимназия), 3-орынды Нұржайна Қуанышқызы (№67 мектеп-гимназия) иеленді. Осы жас ерекшелігі бойынша ұлдар арасында Аян Қуаныш (Бином «Тұран») бірінші орынды, Диас Боранбай (№ 90 мектеп-гимназия) екінші орынды, Диас Ануарбек (№86 мектеп-гимназия) үшінші орынды жеңіп алды.
Ал 14-15 жас аралығындағы қыз балалар арасында бірінші орынды Мәдина Сабыржан (№80 мектеп-гимназия), екінші орынды Әлия Ахназар (№86 мектеп-гиназия), үшінші орынды Бибінұр Қайырбек (№78 мектеп-гимназия) иеленсе, ұлдар арасында Ерасыл Құдайберген (№86 мектеп-гиназия) 1-орын, Наурызбай Құрбан (№54 мектеп-лицей) 2-орын, Жарас Дүйсен (№80 мектеп-гимназия) 3-орын жеңіп, жеңімпаз атанды.
Сайысқа «Өркен» балалар мен жасөспірімдер дене тәрбиесі орталығының тоғызқұмалақтан халықаралық дәрежедегі жаттықтырушы, халықаралық дәрежедегі ойыншы Гүлнар Базарбаева және тоғызқұмалақ ойынының жанашыры Айсұлу Кәрібайқызы төрешілік етті.
