Елордалық пара бишілер әлем кубогында топ жарды

10-12 қыркүйек аралығында Словакия елінің Кошице қаласында арбамен билеуден әлем кубогы өтті. Аталмыш сайысқа әлемнің 15 елінен келген 100-ге жуық параспортшы қатысты, деп хабарлады Elorda.info.

Барлығы жоғары деңгейде өтті. Ұйымдастыру жағы керемет болды. Өткен жері де әдемі. Басқа елге деген құрмет-қошеметтері ерекше,- дейді жеңімпаздардың бірі Севда Алиева.

Әлемдік сахна төріне үздік спортшылармен шыққан жерлестеріміз рекордтық жүлделер мен әлем кубогын жеңіп алды. Олар жарыс барысында классикалық, еуропалық және латынамерикалық би түрлерінен, сондай-ақ, «фристайл» мен «single» дисциплинасында жарысқа түсті.

Әлемдік жарыста өз өнерлерін көрсеткен Қазақстан құрамасының жеңіс қоржыны екі алтынмен, сегіз күміспен және  бес қоламен толықты.