Нұр-Сұлтанда шаңғы роллерден ашық чемпионат өтті

«Хабар24» мәліметінше, бұған жергілікті спортшылардан бөлек Ақмола мен Павлодар облысының құрамалары қатысты.

100-ден аса қатысушы 2 күн бойы өзара мықтыны анықтады. Яғни алғашқы күні қашықтыққа жүгіру бәсекелері болды. Одан кейін сол аралықты шаңғы роллермен бағындырды.

Чемпионат жасөспірімдер және ересектер арасында өтті. Мұнда 7 жас деңгейі бойынша жүлдегерлер сарапқа салынды. Қатысушылардың ең кішісі 8 жаста.

Шаңғы роллер шаңғы жарысының жазғы түрі және кешенді жаттығудың бір бөлігі саналады. Қалалық чемпионатта топ жарғандар бірер аптадан кейін Павлодарда өтетін республикалық жарысқа аттанады.

#Нұр-Сұлтан