Елордада мүмкіндігі шектеулі спортшылар арасында қол күрестен жарыс өтеді

Жарыста әйелдер және ерлер 6 салмақ дәрежесі бойынша күш сынасады. Әйелдер -60 кг, 70 кг, +75 кг. Ерлер -60 кг, 75 кг, +75 кг.

Чемпионат есту және тірек-қимыл аппараты зақымданған жандар арасында 2 санат бойынша өтеді. Жас ерекшелігіне байланысты шектеу жоқ. Бұл жарыста әр адам өз бағын сынай алады. Мақсат – мүмкіндігі шектеулі жандарды спортқа тарту, - дейді Дене шынықтыру және спорт басқармасының баспасөз хатшысы Мәдина Айтқалиева.  

Айта кетейік, қала чемпионатының жеңімпаздары 5-10 қыркүйек аралығында Шымкент қаласында өтетін республикалық спартакиадаға жолдама алады.

Спартакиада есту қабілеті төмен спортшылар арасында өтпек.

Сонымен қатар алдағы уақытта түрлі республикалық, әлемдік турнирлерде ел намысын қорғайтын болады.