Биологтар танымал спорт киімінен улы химикат қалдықтарын тапты

Ғалымдар танымал спорт киімінен PFAS атауымен белгілі (өте ұзақ сақталатын химиялық заттар) полифторалкильді заттардың қалдықтарын тапты. Мысалы, зерттелген киімнің 25%-ында органикалық фтордың едәуір мөлшері анықталған.

Биологтардың айтуынша, мұндай улы заттарды мобильді телефондардың экранынан, гитараның ішегінен, күйіктен қорғайтын қабаты бар табалардан, пергамент қағазынан және тіпті тағам қораптарынан табуға болады. АҚШ-тың қоршаған ортаны қорғау агенттігінің мәліметінше, белгілі бір элементтердің әсері денсаулыққа зиян тигізуі мүмкін. 

Ал Toxic-Free Future ұйымы жүргізген зерттеу барысында олар тестіленген заттардың 72%-ында осы улы заттар табылған, олардың ішінде матрасқап, көрпе, сулық және киім-кешек түрлері болған.