«Ұлым танысудан бас тартты»: Динара Сәтжан жолдасына қатысты сауалдарға жауап берді

Танымал журналист әрі медиа саласының өкілі Динара Сәтжан өзінің жеке өміріне қатысты жаңа мәліметтермен бөлісті. Бұл туралы ол блогер Әсел Ауылбекованың YouTube арнасына берген сұхбатында айтты.

Сұхбат барысында Динара ханым қазіргі жолдасымен қалай танысқаны туралы алғаш рет ашық әңгіме қозғады.

Көп адам оның бұрынғы отбасы туралы білгісі келеді. 2023 жылы ресми түрде ажырасқан.  Мен онымен сұхбаттастым. Көрермен де шет-жағасын біледі. Содан кейін бәрі басталды. Оған дейін мен танитынмын. Оның сондай іскер азамат екенін, Forbes журналының мұқабасына шыққанын білемін. Сұхбат шыққаннан кейін жақын араласа бастадық. Бір көргеннен ғашық болдым деп айтпай-ақ қояйын. Ондай сөзге онша сене де бермеймін. Ол кісі өте көп адамдарға көмектескен. Сол үшін де қатты құрметтеймін, – деп бастады әңгімесін журналист.

Сонымен қатар, Динара Сәтжан жаңа қарым-қатынасын балалары қалай қабылдағаны жайлы да айтып өтті.

Бір күні ұлыма сені бір адаммен таныстырғым келеді дедім. Ол бірден: “Маған уақыт беріңіз” деді. Негізі, адам біреуді жақсы көрсе автоматты түрде сол адамның жақындарын да жақсы көреді. Даниал мен жолдасым кездескенде бірден ортақ тіл табысып кетті. Қызым көрген кезде-ақ “Әке” деді. Ол менің балаларымды мен оның балаларын жақсы көруге міндеттімін, – деді медиа маманы.

Журналистің бұл сырлы әңгімесі әлеуметтік желі қолданушылары арасында қызу талқыланып жатыр.