Аудан әкімдерін сайлау процесін жеделдету керек – Тоқаев

Президент өткен жылы елде алғаш рет ауыл әкімдерінің сайлауы өткенін атап өтті.

Бұл партияның жергілікті жерлерде белсенді түрде жұмыс істеуіне ықпал етті. Бүгінде еліміз бойынша 900-ден аса ауылдық округте әкімдер сайланды. Олардың – басым бөлігі партиямыздың мүшелері, – деді Amanat партиясының төрағасы.

Оның айтынша, жыл соңына дейін тағы 293 ауылдық округте сайлау өтеді.

Алдағы уақытта біз аудан әкімдерін тікелей сайлаймыз. Бұл туралы мен өз Жолдауымда айтамын. Менің ойымша, аудан әкімдерін сайлауды ұзаққа созудың керегі жоқ. Бұл процесті жеделдету қажет... Осы сайлауға партия лайықты кандидаттарды ұсыну арқылы белсенді түрде қатысады, – деді Қасым-Жомарт Тоқаев.