Cолтүстік Қазақстанда тұрғын үйден өрт шығып, 5 адам қаза тапты

Солтүстік Қазақстан облысында жеке тұрғын үйде болған өрттен қаза тапқандар саны 5 адамға жетті, деп хабарлайды Elordainfo.kz.

Облыстық Төтенше жағдайлар департаментінің мәліметіне қарағанда өрт түнде шыққан. Өрт сөндірушілер келген кезде үй толығымен отқа оранып, шатыры мен төбесі құлап, жанған.

"Оқиға орнында екі ересек пен үш баланың денесі табылды, олардың кім екені анықталып жатыр. Өрт оқшауланды. Қызыл жалын 104 шаршы метр аумақты шарпыған", – деп мәлім етті ведомстводан.

Департаменттің психологиялық көмек тобы қаза тапқандардың туыстары мен жақындарына шұғыл психологиялық көмек көрсетіп жатыр.

Өрттің неден шыққаны анықталу үстінде. Отбасында балалардың анасы бұрын қайтыс болған. Әкесі төрт баласын өзі баққан.