Алматы облысында үш жасар бала кәріз құдығына құлап көз жұмды

Оқиға Еңбекшіқазақ ауданы, Қырбалтабай ауылындағы балабақша ауласында болған, деп хабарлады  Elorda.info, бұл туралы Алматы облысы, Полиция департаментінің бастығы Бауыржан Әленов өзінің Instagram парақшасында жазды. 

Аталған дерек ҚР ҚК 141-бабының 2-бөлігі бойынша (балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау) полицияда тіркелді.

2023 жылғы 13 қыркүйекте сағат 13:08 шамасында Еңбекшіқазақ ауданының Полиция басқармасына Қырбалтабай ауылындағы балабақшаның бірінің аумағында ашық кәріз құдығына құлағаннан кейін ауылдық ауруханада 3 жасар баланың қайтыс болғаны туралы хабарлама келіп түсті,-деп жазды ол. 

Қазіргі уақытта оқиғаның барлық мән-жайларын толық, объективті және жан-жақты зерттеуді қамтамасыз ету үшін қажетті сараптамаларды тағайындаумен тергеу іс-шаралары жүргізілуде.

Тергеу барысын мен жеке бақылауыма алдым. ҚР ҚІЖК-нің 201-бабы тәртібінде өзге ақпарат жария етуге жатпайды,- деді департамент басшысы.