7 жасар қызды қағып кетті: Алматыдағы оқиғаға байланысты автобус жүргізушісі жауапқа тартылды

Жуырда Алматыда жүк көлігі 7 жасар қызды анасының көзінше басып кетті. ІІМ әкімшілік полиция комитетінің төрағасы Қайсар Сұлтанбаев «Жол қауіпсіздігі саласындағы заңнамадағы өзгерістер туралы» өткен брифингте оқиғаға қатысты жаңа деректерді айтты, деп хабарлады Elordainfo.kz.

«Қайтыс болған қыз кәдімгі жүргінші өтетін өткелген өтіп бара жатқан.  Ол жаяу жүргінші өткелінен өтіп келе жатқанда жол бермеген автобустан қорқып,  артқа қарай жүргенде жүк көлігі баланы байқамай қалып, басып кетті. Жүк көлігінің жүргізушісі оны көрмеген. Өздеріңіз білесіздер, жүк көлігі биік және онда «соқыр» аймақтар бар. Сол себепті ол жаяу жүргіншіні көрмеген»,- деді ол.

ІІМ өкілі осы оқиғада қызға жол бермеген автобус жүргізушісі жауап тартылғанын айтты.

«Қазір қылмыстық іс қозғалды және оның шеңберінде жол апатына қатысты әрбір азамат заң аясында жауап береді. Дегенмен автобус жүргізушісі жауапқа тартылды»,- деді Қайсар Сұлтанбаев.