Елордада қымбат әтір мен азық-түлік ұрлаған бойжеткен ұсталды (ВИДЕО)

Анықталғандай, бұрын сотты болған бойжеткен кешкі сағат 20.46-да «Диона» дүкеніне барған.

Ол өзі ұнататын иіссуларды іздеп жатқандай кейіп танытып тұрып, түрлі маркадағы әтірлерді ұрлаған. Бейнебақылау камераларындағы жазбаға сәйкес бойжеткен сөреден ұрланған жалпы құны шамамен 60 мың теңгеден асатын «Kenzo», «Dolce & Gabbana» және «MONTALE» маркаларының иіссуларын сөмкесіне салып кетіп қалған, – делінген хабарламада.

Аталған күдікті күндізгі уақытта екінші рет ұрлыққа барған. Бұл жолы «Вкус Март» дүкенінен 46 мың теңгелік қымбат шоколад пен басқа да азық-түлік өнімдерін қолды еткен.

Қазіргі уақытта ұсталған азаматша осыған ұқсас ұрлықтың 7 эпизодын жасады деген күдікке ілінді. Оған қатысты «Ұрлық» бабы бойынша сотқа дейінгі тергеу басталды.