ҚТЖ мамыр мерекелері кезінде 16 мың қосымша орын ұсынады

Фото: ҚТЖ

Ұлттық тасымалдаушы 6-11 мамыр аралығында сұранысы жоғары бағыттардағы пойыздар құрамын 175 қосымша вагонмен толықтырады. Нәтижесінде жолаушыларға шамамен 16 мың орын ұсынылады. Қабылданған шаралар мереке кезеңінде билеттердің қолжетімділігін қамтамасыз етуге бағытталған, деп хабарлайды Elordainfo.kz ҚТЖ баспасөз қызметіне сілтеме жасап.

Қосымша орындар Астана, Алматы, Павлодар, Түркістан, Атырау, Пресногорьковская, Семей, Петропавл, Қызылорда, Ақтөбе, Маңғыстау, Қазалы, Саратов, Жезқазған, Сарыағаш, Новосибирск, Өскемен, Қарағанды, Балқаш бағыттары бойынша ұсынылады.

Жолаушылар билеттерді комиссиясыз bilet.railways.kz ресми сайтынан, сондай-ақ «Жолаушылар тасымалы» АҚ кассаларынан сатып ала алады.

Қосымша ақпаратты 1433 тегін нөмірі арқылы, сондай-ақ «Жолаушылар тасымалы» АҚ-ның Instagram желісіндегі ресми парақшасынан @jolaushylar_tasymaly алуға болады.

Пойыздар қозғалысы туралы өзекті мәліметтер tablo-railways.kz сайтындағы онлайн-тақтада қолжетімді.

Еске сала кетейік, «Қазақстан темір жолы» ұлттық компаниясы Өзбек темір жолдарымен бірлесіп кезекті Keruen Express туристік пойызын ұйымдастырды.