«Сыбайлас жемқорлықсыз ел»: елордада суреттер байқауы өтті

Елордалық сыбайлас жемқорлыққа қарсы қызмет Білім басқармасымен бірлесіп оқушылар арасында «Сыбайлас жемқорлықсыз ел» тақырыбында суреттер байқауын өткізді, деп хабарлады Elorda.info. 

Бұл байқаудың мақсаты өскелең ұрпақтың сыбайлас жемқорлықты қалай түсінетінін және сыбайлас жемқорлық фактілеріне теріс көзқарасқа бағытталған сыбайлас жемқорлыққа қарсы қоғамдық пікірді қалыптастыруды, сондай-ақ өскелең ұрпақтың шығармашылық әлеуетін дамытуды қарау. 

Конкурсқа барлығы 50-ден астам жұмыс түсті.

Байқауға қатысушылардың суреттері әртүрлі техникалар мен стильдерде орындалды. Әрбір жұмыс сыбайлас жемқорлық проблемасын өз деңгейінде көрген және сезінген қатысушылардың дүниетанымын ашып, оның қоғам мен адамға жағымсыз салдарын жеке-жеке жеткізуге тырысты. 

Байқауға 12-15 жастағы балалар қатысты.

Қазақстанның сыбайлас жемқорлыққа қарсы саясаты қоғамның сұраныстарына сүйене отырып және ұлттық тәжірибе мен озық шетелдік тәжірибені ескере отырып, үнемі жетілдіріліп отырады. 2022-2026 жылдарға арналған сыбайлас жемқорлыққа қарсы саясат тұжырымдамасындағы дәйекті және кешенді тәсіл баланы әртүрлі жас кезеңдерінде мектепке дейінгі білімнен бастап сыбайлас жемқорлыққа қарсы біліммен сүйемелдеу қажеттігін көрсетеді, - деп атап өтті превенция басқармасы басшысының орынбасары Қуаныш Монолбаев. 

Іс-шара соңында барлық оқушылар тәттілерден жиналған букет, естелік сыйлықтармен және дипломдармен марапатталды.