Келесі жылы елімізде зейнетақы 8,5 пайызға өседі

Қаржы министрлігі Ашық НҚА порталында 2025-2027 жылдарға арналған республикалық бюджет жобасын қоғамдық талқыға жариялады, деп хабарлады Elordainfo.kz.

Заң жобасына сәйкес, 2025 жылғы 1 қаңтардан бастап Қазақстанда зейнетақы 8,5 пайызға өседі. 

Зейнетақының ең төмен мөлшерi – 62 771 теңге болады.

«Жасына байланысты зейнетақы төлемдеріне және еңбек сіңірген жылдары үшін зейнетақы төлемдеріне жұмсалатын қаражат 2025 жылғы 1 қаңтардан бастап олардың мөлшерлерін 8,5 пайызға көтеру ескеріле отырып көзделген деп белгіленсін», – делінген заң жобасында. 

Сондай-ақ, заң жобасында негізгі қаржы-экономикалық көрсеткіштер 2025 жылы қандай болатыны жазылған. Оларды осы жерден оқып білуге болады.