«JOLTAP» әлеуметтік жобасы: мыңнан астам азамат жұмысқа орналасты

Жоба елорда әкімдігінің бастамасы болып саналады, бірлескен оператор – «Жаңа мүмкіндік» қоғамдық қоры.

«JOLTAP» жобасы кірістерді арттыру бойынша мүмкіндіктердің кешенді экожүйесі болып саналады және бірнеше кезеңдерде іске асырылуда.

Бірінші кезең - адамдар көп жиналатын орындарда 10 «Баршаға мүмкіндік» модульдік пунктін орнату және іске қосу. Өткен жылдың қыркүйек айынан бастап 7 мыңнан астам азамат осы модульдік пункттерде кеңес алды. Атап айтқанда, 2,9 мың адам әкімдік басқармаларына мемлекеттік қолдау шараларын алуға өтінім берді.

Екінші кезең – қысқа мерзімді оқытудың екі бағдарламасын ұйымдастыру, жұмыс мамандықтары бойынша (бариста, сатушы-кассир, қоғамдық тамақтандырудың әмбебап қызметкері, тігінші, сәнгер-конструктор, дәнекерлеуші) және цифрлық дағдылар (таргет, SMM, бейнемонтаж, маркетплейстер, мобилография, графикалық дизайн және веб-дизайн).

Оқыту барлық қажетті заттармен жабдықталған жекелеген оқу сыныптарында жүргізіледі. Оқытушылар қолданбалы тәжірибесі бар мамандар.

Оқыту бағдарламалары еңбек нарығының шындығына сүйене отырып құрастырылған және мамандыққа байланысты 2 аптадан 1 айға дейін барынша қысқа мерзімде практикалық дағдыларды ұсынуға бағытталған. Қазіргі уақытта 1,2 мың қала тұрғыны одан әрі жұмысқа орналасу үшін жұмыс және цифрлық мамандықтар бойынша практикалық дағдыларға ие болды.

Желтоқсаннан бастап үшінші кезеңді іске асыру басталды. Атап айтқанда, азаматтарды жұмысқа орналастыру үшін жобаның серіктестеріне тікелей жолдау. Сонымен қатар жеке Telegram бот және арна іске қосылды, ол арқылы қала тұрғындары қаланың ірі желілік кәсіпорындарына жұмысқа орналасады. Атап айтқанда, Telegram арнасы қолданудың қарапайымдылығына байланысты танымал.

Өз кезегінде, жұмыс берушілер жобаға қосылады, өйткені «JOLTAP» кадрларды даярлауда және мансаптық перспективаларды түсіндіру арқылы халықты жұмысшы мамандықтарына тартуда тиімділікті көрсетті.

Бүгінгі таңда жобаның арқасында 1,1 мыңнан астам азамат (52% - 35 жасқа дейінгі жастар) жұмысқа орналасты. Қала тұрғындары қызмет көрсету (34%), сауда (32%), қоғамдық тамақтану (16%), өзге (тігін ісі, цифрлық және т.б. - 18%) сияқты салаларға жіберілді.

Жалпы, «JOLTAP» жобасы халықты жұмыспен қамту шараларымен қамту бойынша кешенді шешім болып саналады және кірістерді арттыру үшін пакеттік шешім ұсынады. Қысқа мерзімді оқудан өткеннен кейін қала тұрғындары мансабын қаланың ірі кәсіпорындарында бастайды. Жобаның экожүйесінен шықпай-ақ, бірқатар түлектер өз ісін ашу үшін мемлекеттік гранттар мен шағын несиелер алды, сондай-ақ өз бизнесін ілгерілету үшін қажетті цифрлық дағдыларды-кофеханалар, ательелер, үй жанындағы дүкендер және т. б. игерді.

Жоба туралы мәліметтерді «JOLTAP» жобасының Call-орталығынан алуға болады –  +7 707 221 31 31.