Елордалық полицейлер көкпар тартты

Фото: Полиция департаментінен

Астаналық полицейлер танымал спортшылармен бірге ұлттық ойын – көкпарға қатысты, деп хабарлады Elorda.info.

Ұлттық ойын қатысушылардың күші мен шеберлігін көрсету ғана емес, ойынға келген көрерменді салауатты өмір салтына баулу мақсатында ұйымдастырылды.

Полиция қызметінің негізгі бағыттарының бірі – есірткіге қарсы күрес. Ал спорт – бұл зұлымдықпен күресудің қуатты құралы. Спортшылардан ғана емес, жалпы жұртшылық тарапынан да қолдау болып жатқаны қуантады. Біз қалада салауатты өмір сүруге және қауіпсіз орта қалыптастыруға атсалысамыз, - деді Астана қаласы Полиция департаменті бастығының орынбасары Қуаныш Орынбетов.