Елордада коммуналдық қызметтер қысқы жұмыс режиміне көшіп жатыр

Қалада коммуналдық қызметтер қысқы жұмыс режиміне көшуде, деп хабарлады Elordainfo.kz Нұра ауданының әкімдігіне сілтеме жасап.

Синоптиктердің болжамына сәйкес, елордада қарға ауысатын жаңбыр және температураның күрт өзгеруі күтілуде. Бұл көктайғақтың пайда болуына әкелуі мүмкін. Осыған байланысты Нұра ауданының әкімдігі қала тұрғындарын жолдар мен тротуарларда сақ болуға шақырады. Жүргізушілерге жазғы шиналарды қысқы шиналарға ауыстыру ұсынылады.

«Қаланың коммуналдық қызметтері бүгіннен бастап қысқы жұмыс режиміне көшуде. Арнайы техника мен жұмысшылар бригадалары қозғалыс қауіпсіздігін қамтамасыз ету үшін тәулік бойы екі ауысымда жұмыс істейтін болады. Осы қысқы кезеңде аудан көшелеріне 272 бірлік техника мен 409 жол жұмысшысы шығады. Көктайғақпен күресу үшін 610 тонна реагент, 10 000 тонна тұз және 12 000 тонна құм дайындалды. Олар жолдар мен тротуарларды өңдеуге пайдаланылады», - деп жазылған хабарламада.