Елордада бизнес-идеяларды іске асыру үшін грант алуға өтінім қабылдау басталады

Астанада 5 млн теңгеге дейінгі мемлекеттік гранттар беру конкурсына қатысу үшін кәсіпкерлерден өтінімдер қабылдау басталады. Бұл туралы Elordainfo.kz Инвестициялар және кәсіпкерлікті дамыту басқармасына сілтеме жасап хабарлады.

Өтінімдер 14 қазаннан бастап 23 қазан аралығында тек онлайн форматта, kezekte.kz платформа арқылы қабылданады.

Оған  биылдан бастап конкурсқа тек әлеуметтік кәсіпкерлік субъектілерінің тізілімінде тұрған кәсіпкерлер ғана қатыса алады.

Қажетті құжаттардың толық тізбесімен және конкурстың толық шарттарымен қала әкімдігінің және инвестициялар және кәсіпкерлікті дамыту басқармасының ресми сайттарынан немесе 55-69-21, 55-69-03, 55-01-81,55-69-10 номері арқылы білеуге болады.