Елордада бұқаралық жүгіру іс-шарасы өтеді

фото: Оңалхан Өнерхан

Астана қаласында 10 қараша күні Jeniske birge jugir бұқаралық жүгірісі өтеді, деп хабарлады Elordainfo.kz қала әкімдігінің ресми сайтына сілтеме жасап.

Қала әкімдігінің ұйытқы болуымен өтетін спорттық іс-шара Ботаникалық саябақта өтеді. Жарыстың жалпы қашықтығы – 4 км.

Жарысқа қатысуға ниет білдірушілерді тіркеу сағат 08:30-10:00 аралығында өтеді. Ал іс-шара тиісінше сағат 10:00-де өтеді. Тіркелу тегін. Спорттық іс-шараға 1000 адамға дейін қатыса алады.

Қатысушыларға финиш алаңында естелік медальдары беріледі. Ал ерекше айта кетерлігі, қатысушылар арасында iPhone 15Pro және 5 велосипед ойнатылады.