Елорда әкімінің қатысуымен интернет-конференция өтеді

Фото: Оңалхан Өнерхан

2023 жылғы 26 желтоқсанда сағат 09.00-ден 15.00-ге дейін «электрондық үкімет» порталында (e.gov.kz) Астана қаласының әкімі Жеңіс Қасымбектің қатысуымен интернет-конференция өтеді, деп хабарлады Elorda.info

Интернет-конференция негізгі алты тақырыпта өтеді:

1.      Мектептердің құрылысы;

2.      Газдандыру;

3.      Аулаларды абаттандыру және қоғамдық кеңістіктердің дамуы;

4.      Үлескерлік құрылыстағы проблемалық нысандар;

5.      Тұрғын алаптарды дамыту;

6.      Көлік және жол-көлік инфрақұрылымын дамыту.

Конференцияға қатысуға ниет білдіргендердің бәрі e.gov.kz сайтына кіріп, өз сұрақтарын қалдыра алады («Ашық диалог» қосымша беті – интернет-конференциялар, электрондық-цифрлық қолтаңба арқылы кіруге болады).