Дүниежүзілік көшпенділер ойындарына арнайы автобустар қатынайтын болады

Астанада 8-13 қыркүйек аралығында V Дүниежүзілік көшпенділер ойындары өтеді. Қала бойынша азаматтарға ыңғайлы болу үшін арнайы автобустар іске қосылады, деп хабарлады Elordainfo.kz.

Жарыс кезінде елорда тұрғындары мен қонақтары үшін сағат 08.00-ден 20.00-ге дейін бірнеше орыннан жүретін арнайы автобустар іске қосылады:

1. «Астана Арена» тұрақ аймағы;

2. «Бас мешіт» тұрақ аймағы;

3. «ЕХРО» тұрақ аймағы.

Астана тұрғындары мен қонақтарын Дүниежүзілік көшпенділер ойындарын өткізу орындарына қоғамдық көлікпен қамтамасыз ету мақсатында 15 қыркүйекті қоса алғанда №18, 37, 303, 323 маршруттардың қозғалыс сызбалары уақытша өзгертілді.

Елорда тұрғындары мен қонақтары қозғалыс бағытын алдын ала жоспарлауы қажет, - делінген хабарламада.