Астанада әскери кафедра түлектері ант берді

Л.Гумилев атындағы Еуразия ұлттық университетінің студенттері оқу-далалық жиындар аясында теориялық білім алып, оларды тәжірибеде бекітті, деп хабарлады Elordainfo.kz.   

Салтанатты рәсімге әскери бөлімнің басшылығы, білім ордасы басшылығының өкілдері, «Қарулы Күштердің ардагерлері» РҚБ, түлектердің туған-туыстары қатысты. 

Еуразия ұлттық университеті әскери кафедрасының студенттері он бір әскери-есептік мамандық бойынша даярлықтан өтті.

Айта кету керек, биыл алғаш рет әскери журналист қызметінің негіздерін оқыған жеті студент бітірді. Саптық, техникалық, тактикалық дайындықтан басқа, олар «әскери БАҚ теориясы мен практикасы», «әскери тарих», «арнайы насихат» және т.б. пәндерді игерді. 

Университетті бітіргеннен кейін әскери кафедраның түлектеріне Қорғаныс министрінің бұйрығымен «запастағы лейтенант» әскери атағы берілді, Бұл оларға күш құрылымдарында қызметтік мансап жасауға мүмкіндік береді.