Астанада жылу беру маусымына дайындық жұмыстары жүргізілуде

Премьер-министрдің бірінші орынбасары Роман Скляр мен елорда әкімі Жеңіс Қасымбек инфрақұрылым нысандарының құрылысы мен жылумен қамту жүйелерінің алдағы жылу беру маусымына дайындығын бақылады, деп хабарлады  Elorda.info

 Астанада тіршілікті қамтамасыз ету жүйесінің бірқатар нысандары, соның ішінде газбен жұмыс істейтін жылу станциялары, ауыз су станциясынығ құрылысы (2-кезең) мен ЖЭО-3 салынуда.
2023-2024 ж.ж. күзгі-қысқы кезеңге дайындық негізінде ЖЭО-1 және ЖЭО-2 бірқатар қазандықтар мен турбиналар бойынша жөндеу жұмыстарын жүргізу жоспарлануда. Жұмыстардың бір бөлігі қазірдің өзінде аяқталды. Сондай-ақ, ЖЭО-1 және ЖЭО-2 аумақтарында сыртқы газбен жабдықтау желілері салынды, ЖЭО-1-де барлық 10 қазандық пен ЖЭО-2-де ыстық су қазандықтары қайта жаңғыртылды. Қазандықтарды қайта құрудың негізгі бөлігі табиғи газды немесе көмірді мұнайды жағу мүмкіндігіне арналған оттықтарды ауыстыру болып табылады.

   Сондай-ақ, «Астана-Энерго» АҚ нысандарын аралау барысында Премьер-Министрдің бірінші орынбасары мен Астана әкімі жабдықтың тозуын азайту, елорданы сенімді энергиямен қамтамасыз ету, сондай-ақ іске асыру жоспарланып отырған перспективалы жобалармен танысты. Сонгымен қатар,  қоршаған ортаға кері әсерін азайтуға бағытталған жаңа технологияларды енгізуді атап өтті.

Елорда әкімі Жеңіс Қасымбек қаланы жылумен қамтудың қосымша көлемімен қамтамасыз ету мақсатында «Тұран» және «Оңтүстік-Шығыс» екі газ жылу стансасының құрылысы да жүргізіліп жатқанын атап өтті. Олардың қуаттылығы ұзақ мерзімді құрылыс түріне айналған ЖЭО-3 қуаттылығынан асып түседі. Бұл газбен жұмыс істейтін жылу электр стансаларын ағымдағы жылыту маусымында кезең-кезеңімен іске қосу жоспарлануда.

Танысу барысында Премьер-Министрдің бірінші орынбасары мен Астана әкімі жаңа ауыз су стансасының жұмысымен де танысты. Маусым айында НФС-3 жұмысының бірінші кезеңі іске қосылып, Астана су қоймасынан су құбырының жаңа тармағының құрылысы да аяқталды. Бұл қаланы сумен қамту мәселесін шешуге мүмкіндік берді. ССС-3 екінші кезеңін ағымдағы жылдың тамыз айында аяқтау жоспарлануда. Сонымен қатар, «Нұринское» жерасты суы кен орнынан су өткізетін құбырды жобалау және «Тельман ЖМ» МКҚК қуаттарын кеңейту бойынша жобалық жұмыстар аяқталуда. Бұл жобалар алдағы уақытта қаланы ауыз сумен қамтамасыз етуге қосымша қуат береді.

 Сонымен қатар, мердігерлерге газ жылу электр станциялары, ЖЭО-3, ауыз су станциясының  (2-кезең) құрылыстарын мерзімінде аяқтау тапсырылды