Астанада «Жұлдызай-2023» ұлттық инклюзивті ойындары өтеді

Биыл «Жұлдызай-2023» ойындары Астанада Ж.Үшкемпіров атындағы Жекпе-жек cарайында, «Qazaqstan» жеңіл атлетика спорт кешенінде және 10 гимназияда өтеді, деп хабарлады Elorda.info. 

«Жұлдызай» қоры ерекше спортшыларға арналған спартакиаданы 2016 жылдан бастап өткізіп келеді және сайыстар 2022 жылы алғаш рет «Жұлдызай» ұлттық инклюзивті ойындары ретінде жаңа форматта өтті.

Ойындарды өткізу мақсаты – мүмкіндіктері шектеулі балалар мен жасөспірімдерде дамудағы өзінің физикалық және интеллектуалдық шектеулерін батыл еңсере отырып, спортпен шұғылдануға, салауатты өмір салтын ұстануға, жоғары спорттық нәтижелерге қол жеткізу үшін өзінің спорттық әлеуетін арттыруына ынталандыруды арттыру. 

«Жұлдызай» ойындарына 10-16 жас аралығындағы мүмкіндігі шектеулі балалар мен жасөспірімдер қатысады. 

Олар спорттың келесідей 7 түрінен сайысатын болады:

- жеңіл атлетика; 

- голбол;

- мини-футбол;

- үстел теннисі;

- ұлттық ойын түрлері: бес тас, асық ату және тоғызқұмалақ.

Сайыстар 2 кезеңде өткізіледі және іріктеу жүргізілетін өңірлік сайыстардан, Астана қаласында өтетін Республикалық финалдан тұрады.